Իրակլի Ղարիբաշվիլին հանդիպել է Վրաստանում Իսրայելի դեսպան Հադաս Մեյցադին
Վարչապետ Իրակլի Ղարիբաշվիլին հանդիպել է Վրաստանում Իսրայելի նորանշանակ արտակարգ և լիազոր դեսպան Հադաս Մեյցադի հետ։
Վարչապետի մամուլի գրասենյակից հայտնում են, որ կառավարության ղեկավարը շնորհավորել է դիվանագետին Իսրայելում խորհրդարանական ընտրությունների հաջող անցկացման կապակցությամբ և հույս է հայտնել, որ Իսրայելի նոր կառավարության ձևավորումից հետո սերտ համագործակցությունը կշարունակվի։
Ըստ իրենց հաղորդագրության, կողմերը խոսել են երկու երկրների դարավոր կապերի և ապագա առաջնահերթությունների մասին։ Ուշադրություն է դարձվել զբոսաշրջությանը և առևտրատնտեսական հարաբերությունների ուղղությամբ առկա ներուժի լիարժեք օգտագործման կարևորությանը։ Նշվել է նաև երկու երկրների ոլորտային նախարարությունների և խորհրդարանների արդյունավետ համագործակցությունը, այդ թվում՝ ուշադրություն է դարձվել այն հանգամանքին, որ վերջին տարիներին երկրների միջև ստորագրվել են մի շարք կարևոր երկկողմ համաձայնագրեր։
Զրույցում շոշափվել է այն փաստը, որ այս տարի լրանում է Վրաստանի և Իսրայելի միջև դիվանագիտական հարաբերությունների հաստատման 30-ամյակը։ Իրակլի Ղարիբաշվիլին հաջողություն է մաղթել Հադա Մեյցադին և հաստատել հետագա համագործակցության պատրաստակամությունը։
Տեղեկությունը տարածում է Վրաստանի վարչապետի մամուլի գրասենյակը։