Վրաստանի վարչապետ Իրակլի Ղարիբաշվիլին հանդիպել է Թուրքիայի Հանրապետության Ազգային անվտանգության խորհրդի գլխավոր քարտուղար, նահանգապետ Սեյֆուլլահ Հաջիմֆթուօղլուի հետ։

Վարչապետի մամուլի ծառայությունից հայտնում են, որ հանդիպմանը քննարկվել են երկու երկրների ռազմավարական գործընկերությունը և համագործակցության ապագա հեռանկարները։

Ինչպես նշվել է հանդիպմանը, ողջունելի է, որ կառավարությունների միջև առկա է համագործակցությունն էլ ավելի խորացնելու և ամրապնդելու պատրաստակամություն։ Ընդգծվել է, որ Վրաստանը բարձր է գնահատում Թուրքիայի ուժեղ աջակցությունը Վրաստանի ինքնիշխանությանն ու տարածքային ամբողջականությանը, ինչպես նաև Վրաստանի եվրատլանտյան ինտեգրմանը։ Նշվել է, որ կարևոր է երկկողմ ռազմավարական գործընկերության հետագա խորացումը ոչ միայն քաղաքական և տնտեսական, այլ նաև անվտանգության ուղղությամբ։

Ուշադրություն է դարձվել Վրաստանի և Թուրքիայի միջև անվտանգության ոլորտում համագործակցությանը։ Ընդգծվել է այս ուղղությամբ փոխգործակցության հետագա ամրապնդման կարևորությունը տարածաշրջանի կայուն զարգացման ապահովման տեսանկյունից։

Տեղեկությունը տարածում է Վրաստանի վարչապետի մամուլի գրասենյակը։