Իրակլի Ղարիբաշվիլին հանդիպել է Սերբիայի Հանրապետության նախագահի հետ
Վրաստանի վարչապետ Իրակլի Ղարիբաշվիլին հանդիպել է Սերբիայի Հանրապետության նախագահ Ալեքսանդր Վուչիչի հետ։
Վարչապետի մամուլի ծառայությունից հայտնում են, որ քննարկվել են Վրաստանի և Սերբիայի Հանրապետության միջև համագործակցության հիմնական ուղղությունները և համագործակցության խորացման հեռանկարները։ Ընդգծվել է երկու երկրների համագործակցությունը երկկողմ և բազմակողմ ձևաչափերով։
Զրույցը շոշափել է եվրաինտեգրման հարցեր։ Հանդիպմանը քննարկվել են նաև տարածաշրջանում և աշխարհում անվտանգության միջավայրն ու մարտահրավերները։
Վարչապետն ու Սերբիայի Հանրապետության նախագահը վերահաստատել են իրենց աջակցությունը երկու երկրների տարածքային ամբողջականությանը։