Իրակլի Ղարիբաշվիլին հանդիպել է Նիդերլանդների Թագավորության նոր դեսպանի հետ
Վրաստանի վարչապետ Իրակլի Ղարիբաշվիլին ճանաչողական հանդիպում է ունեցել Վրաստանում Նիդերլանդների Թագավորության նոր արտակարգ և լիազոր դեսպան Մելինե Առաքելյանի հետ։
Վարչապետի մամուլի ծառայությունից հայտնում են, որ կառավարության վարչակազմում կայացած հանդիպմանը քննարկվել են Վրաստանի և Նիդերլանդների Թագավորության միջև համագործակցության հիմնական ուղղությունները։
«Քննարկված հարցերի թվում էին Վրաստանի և Նիդերլանդների Թագավորության միջև առկա հարաբերությունները, որոնք բնութագրվում են աճող դինամիկայով ինչպես երկկողմ մակարդակով, այնպես էլ միջազգային կազմակերպությունների շրջանակներում։
Հանդիպմանը ուշադրություն է դարձվել Վրաստանի եվրաինտեգրման գործընթացին։ Կառավարության ղեկավարը դեսպանին տեղեկացրել է Վրաստանի ձեռք բերած առաջընթացի և 12 հանձնարարականների կատարման հետ կապված ներկա իրավիճակի մասին։ Նա նաև նշել է, որ մինչև տարեվերջ Վրաստանը սպասում է թեկնածուի կարգավիճակին։
Վարչապետն ընդգծել է Վրաստանին թեկնածուի կարգավիճակ տրամադրելու կարևորությունը և Նիդերլանդների Թագավորության աջակցությունն այս գործընթացում։
«Իրակլի Ղարիբաշվիլին շնորհավորել է Մելինե Առաքելյանին Վրաստանում դիվանագիտական առաքելության մեկնարկի կապակցությամբ և հաջողություններ մաղթել հետագա գործունեության մեջ», – ասված է վարչապետի մամուլի ծառայության հաղորդագրության մեջ։