Վրաստանի վարչապետ Իրակլի Ղարիբաշվիլին հանդիպել է Ազգային ժողովրդավարական ինստիտուտի (NDI) նախագահ Դերեկ Միտչելի հետ։

Զրույցը շոշափել է «NDI»-ի երկարաժամկետ և ակտիվ ներգրավվածության կարևորությունը Վրաստանում ժողովրդավարական ինստիտուտներին աջակցելու, քաղաքացիական հասարակության ամրապնդման և լավ կառավարման գործում:

Պատրաստակամություն է հայտնվել, որ Վրաստանի կառավարության և «NDI»-ի միջև հաջող համագործակցության դինամիկան կշարունակվի և ապագայում կիրականացվեն մի շարք կարևոր համատեղ ծրագրեր։

Ուշադրություն է դարձվել Վրաստանի և ԱՄՆ-ի միջև ռազմավարական գործընկերությանը և 30 տարվա ընթացքում ԱՄՆ-ի կողմից ցուցաբերվող անսասան աջակցության կարևորությանը։

Կողմերը խոսել են 12 գերակայությունների հաջող իրականացման ընթացքի մասին։ Կառավարության ղեկավարը ևս մեկ անգամ հաստատել է Վրաստանի հանձնառությունը եվրոպական և եվրատլանտյան կառույցներին ինտեգրվելու հարցում։

Տեղեկությունը տարածում է Վրաստանի վարչապետի մամուլի գրասենյակը։