Իրակլի Ղարիբաշվիլին հանդիպել է Ղազախստանի Հանրապետությունում Վրաստանի նորանշանակ դեսպան Նիկոլոզ Լալիաշվիլիի հետ
Վրաստանի վարչապետ Իրակլի Ղարիբաշվիլին հանդիպել է Ղազախստանի Հանրապետությունում Վրաստանի նորանշանակ արտակարգ և լիազոր դեսպան Նիկոլոզ Լալիաշվիլիի հետ։
Վարչապետի մամուլի ծառայությունից հայտնում են, որ կառավարության վարչակազմում կայացած հանդիպմանը քննարկվել են Վրաստանի և Ղազախստանի Հանրապետության միջև համագործակցության հիմնական ուղղությունները։
Իրակլի Ղարիբաշվիլին շնորհավորել է Նիկոլոզ Լալիաշվիլիին նոր պաշտոնում նշանակվելու կապակցությամբ և հաջողություն մաղթել հետագա աշխատանքում։ Նիկոլոզ Լալիաշվիլին իր հերթին շնորհակալություն է հայտնել վարչապետին վստահության համար։
Նիկոլոզ Լալիաշվիլին պետական ծառայության երկարամյա փորձ ունի։ Տարբեր ժամանակներում աշխատել է Վրաստանի պաշտպանության նախարարությունում, Ազգային անվտանգության խորհրդում, պետական անվտանգության նախարարությունում և Միացյալ էներգիայի բաշխման ընկերությունում։
Նիկոլոզ Լալիաշվիլին եղել է Վրաստանի խորհրդարանի պատգամավոր։
Տեղեկությունը տարածում է Վրաստանի վարչապետի մամուլի գրասենյակը։