Իրակլի Ղարիբաշվիլին հանդիպել է Ֆրանսիայում Վրաստանի նորանշանակ դեսպան Գոչա Ջավախիշվիլիին
Վրաստանի վարչապետ Իրակլի Ղարիբաշվիլին հանդիպել է Ֆրանսիայում Վրաստանի նորանշանակ արտակարգ և լիազոր դեսպան Գոչա Ջավախիշվիլիին։
Վարչապետի մամուլի ծառայությունից հայտնում են, որ կառավարության վարչակազմում կայացած հանդիպմանը քննարկվել են Վրաստանի և Ֆրանսիայի միջև առկա հարաբերությունների դինամիկան և դրա խորացման հեռանկարները։
Իրակլի Ղարիբաշվիլին շնորհավորել է Գոչա Ջավախիշվիլիին նոր պաշտոնի կապակցությամբ և հաջողություն մաղթել հետագա աշխատանքում։
Գոչա Ջավախիշվիլին երկար տարիների դիվանագիտական փորձ ունի։
Գոչա Ջավախիշվիլին մեծ ներդրում է ունեցել «Levili Manor»-ի և «Chateau»-ի Վրաստանին փոխանցման գործում։ Նա ստացել է Ֆրանսիայի Պատվո ազգային շքանշան և Ակադեմիական արմավենու շքանշան»,- հայտնել են վարչապետի մամուլի ծառայությունից։