Վրաստանի վարչապետ Իրակլի Ղարիբաշվիլին հանդիպել է «Eagle Hills»-ի հիմնադիր, տնօրենների խորհրդի նախագահ, «Emaar Properties»-ի հիմնադիր և գործադիր տնօրեն Մուհամմեդալի Ռաշեդ Ալաբարի, ինչպես նաև Արաբական Միացյալ Էմիրությունների արտաքին գործերի և միջազգային համագործակցության պետնախարարի Ահմեդ Ալի Մուհամեդ Աբդուլլահ Ալսայեի հետ:

Վարչապետի մամուլի գրասենյակի հաղորդմամբ՝ կառավարության վարչակազմում տեղի ունեցած խորհրդակցության ընթացքում քննարկվել են կոնկրետ նախագծեր, որոնցում Մուհամմադ Ալի Ռաշեդ Ալաբարը ցանկություն է հայտնել ներդրումներ կատարել։

«Ընդգծվել է Վրաստանում բարենպաստ գործարար միջավայրը և երկրում առկա մեծ ներուժը հանգստավայրերի զարգացման համար։

«Emaar Properties»-ը անշարժ գույքի զարգացման բազմազգ ընկերություն է, որը հիմնված է Արաբական Միացյալ Էմիրություններում: Ընկերությունն ամբողջ աշխարհում ունի ավելի քան 30 միլիարդ ակտիվներ: «Emaar Properties»-ը գործում է Ասիայի, Եվրոպայի և Հյուսիսային Ամերիկայի մի շարք երկրներում:

«Eagle Hills»-ը Արաբական Միացյալ Էմիրությունների անշարժ գույքի զարգացման ընկերություն է, որը հիմնադրվել է 2014 թվականին և աշխարհի ինը երկրներում իրականացրել է մինչև 45 ծրագիր»,- ասվում է վարչապետի մամուլի ծառայությունում։

Կառավարության վարչակազմում կայացած հանդիպմանը ներկա էին «Eagle Hills» ընկերության տնօրենների խորհրդի գործադիր անդամ Ահմադ Թանի Ռասեդը, Վրաստանում Արաբական Միացյալ Էմիրությունների դեսպան Ահմեդ Իբրահիմ Ահմեդ Թահեր Ալ Նուայմին, փոխվարչապետ, Վրաստանի էկոնոմիկայի և կայուն զարգացման նախարար Լևան Դավիթաշվիլին և կառավարության վարչակազմի ղեկավար Ռևազ Ջավելիձեն։