Վրաստանի վարչապետ Իրակլի Ղարիբաշվիլին հանդիպել է Ավստրիայի Հանրապետության խորհրդարանի նախագահ Վոլֆգանգ Սոբոտկայի, Չեխիայի Հանրապետության խորհրդարանի նախագահ Մարկետա Պերակովա-Ադամովայի և Սլովակիայի Հանրապետության խորհրդարանի նախագահ Բորիս Կոլարի հետ։

Վարչապետի մամուլի ծառայությունից հայտնում են, որ կողմերը քննարկել են Վրաստանի, Ավստրիայի, Չեխիայի և Սլովակիայի հանրապետությունների միջև բարեկամական հարաբերություններն ու համագործակցության լայն շրջանակը։ Ընդգծվել է, որ երկկողմ հարաբերությունների ամրապնդմանը նպաստելու հետ մեկտեղ կարեւոր է, որ «Սլավկովյան ձեւաչափի» շրջանակներում նշված երկրների խորհրդարանների նախագահները այցելեն Վրաստան, ինչը նրանց աջակցության դրսեւորումն է։

Կառավարության ղեկավարը հույս է հայտնել, որ երկրների քաղաքական և գործնական աջակցությունը կօգնի Վրաստանին Եվրամիությանն անդամակցելու հաջորդ փուլերում։

Ուշադրություն է դարձվել այն փաստին, որ Վրաստանը սպասում է տարեվերջին թեկնածուի կարգավիճակ ստանալուն, և երկիրը ներառական, հետևողական և թափանցիկ իրականացնում է 12 առաջնահերթությունները։ Ասվել է, որ Վրաստանը մնում է Եվրամիության հուսալի գործընկերն ու անվտանգության դաշնակիցը։

Վարչապետի խոսքով՝ Վրաստանն արժանի է թեկնածուի կարգավիճակ ստանալուն, ինչն ինքնին կնվազեցնի բևեռացումը և կնպաստի երկրի կայուն զարգացմանը։

Զրույցի ընթացքում անդրադարձ է եղել եվրատլանտյան ինտեգրմանը և Սև ծովի անվտանգության խնդիրներին։

Ուշադրություն է դարձվել օկուպացված տարածքներում տիրող իրավիճակին։ Կառավարության ղեկավարը շնորհակալություն է հայտնել Ավստրիայի, Չեխիայի և Սլովակիայի հանրապետությունների խորհրդարանների նախագահներին՝ Վրաստանի ինքնիշխանությունն ու տարածքային ամբողջականությունը չճանաչելու հաստատակամ աջակցության և քաղաքականության համար։ Նշվել է նրանց ներդրումը ԵՄ մոնիտորինգային առաքելությունում։

Կառավարությունում կայացած հանդիպմանը մասնակցել են Ավստրիայի, Չեխիայի և Սլովակիայի հանրապետությունների պատվիրակությունների անդամները և Վրաստանում արտակարգ և լիազոր դեսպանները, իսկ Վրաստանի կողմից՝ արտաքին գործերի նախարար Իլիա Դարչիաշվիլին և կառավարության վարչակազմի ղեկավար Ռևազ Ջավելիձեն։

Տեղեկությունը տարածում է Վրաստանի վարչապետի մամուլի գրասենյակը։