Վրաստանի վարչապետ Իրակլի Ղարիբաշվիլին հանդիպել է Ադրբեջանի Հանրապետության էկոլոգիայի և բնական պաշարների նախարար Մուխթար Բաբաևի հետ։

Կառավարության վարչակազմում կայացած հանդիպմանը քննարկվել են Վրաստանի և Ադրբեջանի Հանրապետության միջև ռազմավարական համագործակցության ուղղությունները, որոնք առաջնահերթություն են երկու երկրների համար։ Արտահայտվել է առկա արդյունավետ համագործակցությունն էլ ավելի խորացնելու պատրաստակամություն։ Վարչապետի խոսքով, Ադրբեջանի Հանրապետության նախագահ Իլհամ Ալիևի այցը Վրաստան առանձնահատուկ նշանակություն ունի և կարևորում է երկու երկրների միջև առկա ակնառու հարաբերությունները։

Զրույցն անդրադարձել է տնտեսության ոլորտում համագործակցությանը։ Վարչապետը նշել է, որ Վրաստանը և Ադրբեջանի Հանրապետությունը հուսալի տարանցիկ գործընկերներ են, իսկ համատեղ տրանսպորտային միջանցքը ապահովում է հուսալի բաշխման ուղիներ և մուտք դեպի համաշխարհային շուկաներ։

Ընդգծվել է տարածաշրջանային նշանակության ենթակառուցվածքային նախագծերի լիարժեք շահագործման և Վրաստան-Թուրքիա-Ադրբեջան համագործակցության կարևորությունը։

Հանդիպմանը մասնակցել են Վրաստանում Ադրբեջանի Հանրապետության արտակարգ և լիազոր դեսպան Ֆաիգ Գուլիևը և Վրաստանի շրջակա միջավայրի պահպանության և գյուղատնտեսության նախարար Օթար Շամուգիան։

Տեղեկությունը տարածում է Վրաստանի վարչապետի մամուլի ծառայությունը։