Իրակլի Ղարիբաշվիլին գրառում է կատարել Ճապոնիայի դեսպանատանը բացված ցավակցական գրքում՝ Սինձո Աբեի մահվան կապակցությամբ
Վրաստանի վարչապետ Իրակլի Ղարիբաշվիլին եղել է Ճապոնիայի դեսպանատանը։ Կառավարության ղեկավարը գրառում է կատարել Ճապոնիայի նախկին վարչապետ Սինձո Աբեի մահվան կապակցությամբ բացված ցավակցական գրքում և ցավակցություն հայտնել Ճապոնիայի դեսպան Իմամուրա Ակիրային և նրա կնոջը։ Տեղեկությունը տարածում է կառավարության աշխատակազմի լրատվական ծառայությունը։
«Վրացական կառավարության և վրաց ժողովրդի անունից ես մեծագույն հարգանք եմ հայտնում ճապոնացի ժողովրդին և վարչապետ Սինձո Աբեի ընտանիքին ու հարազատներին և անկեղծորեն կիսում եմ նրանց վիշտը։
Սգո այս պահին կիսում ենք Ճապոնիայի ժողովրդի վիշտը»,- ասված է վարչապետի ցավակցական նամակում։