Վրաստանի վարչապետ Իրակլի Ղարիբաշվիլին ընթրիքի է հյուրընկալել Հայաստանի Հանրապետության վարչապետ Նիկոլ Փաշինյանին՝ պատվիրակության հետ միասին։
Կառավարության վարչակազմից հայտնում են, որ Մթածմինդայում Նիկոլ Փաշինյանի պատվին ընթրիք է տրվել։
Իրակլի Ղարիբաշվիլին և Նիկոլ Փաշինյանը ճոպանուղու տրամվայով մեկնել են Մթածմինդա և տեսել Թբիլիսիի տեսարժան վայրերը։
Վարչապետները ոչ պաշտոնական միջավայրում քննարկել են Վրաստանի և Հայաստանի Հանրապետության ռազմավարական գործընկերությունը։
Հայաստանի Հանրապետության վարչապետ Նիկոլ Փաշինյանը կառավարական պատվիրակության հետ հունվարի 26-ին այցելել է Թբիլիսի։
Այցի շրջանակներում տեղի է ունեցել Վրաստան-Հայաստան միջկառավարական տնտեսական համագործակցության հանձնաժողովի նիստը, որի ընթացքում վարչապետները ստորագրել են Վրաստանի և Հայաստանի Հանրապետության միջև ռազմավարական գործընկերության հաստատման մասին համատեղ հռչակագիրը։