Իրակլի Ղարիբաշվիլին Covid-19-ի և պատվաստումների գործընթացի մասին զրուցել է Առողջապահության և սննդի անվտանգության եվրահանձնակատար Ստելլա Կիրիակիդիի հետ
Վրաստանի վարչապետ Իրակլի Ղարիբաշվիլին տեսակոնֆերանսի ձևաչափով հանդիպում ունեցավ Առողջապահության և սննդի անվտանգության եվրահանձնակատար Ստելլա Կիրիակիդիսի հետ:
Հանդիպման ընթացքում քննարկվեցին COVID-19-ը և համաճարակի պատճառած դժվարությունները հաղթահարելու ուղղությամբ ձեռնարկված քայլերը: Կառավարության ղեկավարը շեշտել է Եվրամիության դերը համաճարակի ստեղծած սոցիալ-տնտեսական ճգնաժամի դեմ պայքարում:
Խոսվեց նաև պատվաստումների գործընթացի մասին: Նշվեց, որ Վրաստանը COVAX- ի հետ ինտենսիվ համագործակցությամբ արդեն ստացել է պատվաստանյութի առաջին դեղաչափերը և առաջիկայում ակնկալում է լրացուցիչ ծավալներ:
Վարչապետը շեշտեց, որ ինտենսիվ աշխատանքը շարունակվում է, ինչպես անմիջականորեն պատվաստանյութեր արտադրողների, այնպես էլ գործընկեր երկրների հետ, և նշեց, որ այս գործընթացում առաջնային նշանակություն ունի Եվրամիության աջակցությունը:
Զրույցն անդրադարձավ նաև Վրաստանի առողջապահության ոլորտում ԵՄ կողմից ֆինանսավորվող ընթացիկ և հաջողված ծրագրերին:
Տեսակոնֆերանսին մասնակցում էին օկուպացված տարածքներից փախստականների, աշխատանքի, առողջապահության և սոցիալական հարցերի նախարար Էկատերինե Տիկարաձեն և փոխնախարար Թամար Գաբունիան:
Տեղեկատվությունը տարածում է Վրաստանի վարչապետի մամուլի ծառայությունը: