Իրակլի Ղարիբաշվիլիի գլխավորությամբ տեղի է ունեցել տնտեսական խորհրդի նիստ
Վրաստանի վարչապետ Իրակլի Ղարիբաշվիլիի գլխավորությամբ տեղի է ունեցել տնտեսական խորհրդի նիստ։
Հանդիպմանը քննարկվել են քաղաքների և հանգստավայրերի զարգացման պետական նոր ծրագրի շրջանակներում ընտրված տեղանքների քաղաքաշինության հայեցակարգերը։ Ծրագիրը վարչապետի որոշմամբ մեկնարկել է 2023 թվականին: Առաջին փուլում ընտրվել են տասը վայրեր՝ Բորջոմի, Բակուրիանի, Քութաիսի, Ծղալտուբո, Թելավի, Զուգդիդի, Բաթումի, Մցխեթա, Մեստիա և Ղազբեգի։ Մշակված հայեցակարգերի հիման վրա ինը մունիցիպալիտետներում աստիճանաբար կսկսվեն նախապատրաստական և շինարարական աշխատանքները, իսկ Բակուրիանիի տարածքի համար նախատեսվում է մրցույթ։
5-ամյա ծրագրի համար պետբյուջեից հատկացվել է 1 մլրդ լարի։
Զրույցի ընթացքում նշվել է, որ նոր պետական ծրագիրը կնպաստի ինչպես զբոսաշրջության զարգացմանը, այնպես էլ աշխատատեղերի ստեղծմանը։
Կառավարության ղեկավարը տեղեկություններ է լսել նաև 2024 թվականի մարդահամարի ընթացիկ և նախատեսվող անելիքների մասին։ Խոսելով հարցի կարևորության մասին՝ ընդգծվել է, որ միջոցառումն անցկացվելու է՝ հաշվի առնելով միջազգային հանձնարարականները։
Տնտեսական խորհրդում քննարկվել է Գոնիոյի զարգացման ծրագիրը։ Ըստ ներկայացված հայեցակարգի՝ զգալի ներդրումներ կկատարվեն տարածքի կայուն զարգացման համար, որը ներառում է հյուրանոցային և բնակելի համալիրներ, առևտրի կենտրոններ, հանգստի և սպորտային ենթակառուցվածքներ։ Ծրագրի իրականացման ընթացքում կստեղծվեն մի քանի տասնյակ հազար աշխատատեղեր։
Տեղեկությունը տարածում է Վրաստանի կառավարության վարչակազմի մամուլի ծառայությունը։