Իրակլի Ղարիբաշվիլիի գլխավորությամբ կառավարությունն այսօրվա նիստում քննարկել է իննը հարց
Կառավարության նիստը տեղի է ունեցել Վրաստանի վարչապետ Իրակլի Ղարիբաշվիլիի գլխավորությամբ։ Կառավարությունում տեղի ունեցած խորհրդակցությանը նախարարների կաբինետի անդամները քննարկել են իննը հարց։ Տեղեկությունը տարածում է կառավարության աշխատակազմի մամուլի ծառայությունը։
Նրանց տվյալներով՝ քննարկված հարցերի թվում է եղել Վրաստանի կապիտալի շուկայի զարգացման 2022-2028 թվականների ռազմավարությունը և դրա 2022-2024 թվականների գործողությունների ծրագիրը, որը կնպաստի երկրի տնտեսական տարածքի միասնությանը, տնտեսական գործունեության ազատությանը և մրցակցային և կայուն ներդրումային միջավայրի ստեղծմանը։
«Հարկ է նշել, որ կապիտալի շուկայի զարգացման ռազմավարությունն ուղղված է կապիտալի շուկայի ակտիվացման միջոցով տնտեսական աճի խթանմանը։
Ռազմավարությունը համահունչ է Վրաստանի Զարգացման ռազմավարությանը` Vision 2030 և Եվրամիության հետ ստորագրված Ասոցացման համաձայնագրին:
Ռազմավարությունը մշակվել է համապատասխան պետական գերատեսչությունների, մասնավոր հատվածի ներկայացուցիչների, Ասիական զարգացման բանկի փորձագետների և խորհրդատուների ակտիվ ներգրավվածությամբ»,- ասվում է կառավարության մամուլի ծառայությունում։