Վրաստանի վարչապետ Իրակլի Ղարիբաշվիլիի գլխավորությամբ կառավարության վարչակազմում տեղի է ունեցել տնտեսական խորհրդի նիստ։

Տնտեսական խորհրդի անդամները քննարկել են ընթացիկ և նախատեսվող տնտեսական խոշոր ծրագրերը։ Քննարկվել են նաև ենթակառուցվածքային ծրագրերը, որոնց վրա վարչապետի հրամանով ակտիվ աշխատանքներ են տարվում։

Հանդիպմանը քննարկվել է քաղաքների և հանգստավայրերի զարգացման 2023-2028 թվականների ծրագիրը, որի մասին կառավարության ղեկավարին և նիստի մասնակիցներին մանրամասն տեղեկատվություն է ներկայացրել տարածաշրջանային զարգացման և ենթակառուցվածքների նախարար Իրակլի Քարսելաձեն։ Ասվեց, որ արդեն ընտրվել են այն 10 զբոսաշրջային վայրերը, որոնք կվերականգնվեն առաջին փուլում։ Ընդգծվել է, որ հանգստավայրերի զարգացումը հատկապես կարևոր է երկրի տնտեսական առաջընթացի և խթանման համար։

Զրույցն անդրադարձել է տնտեսական աճի բարձր տեմպերին։ Նշվել է, որ չնայած տարածաշրջանում ստեղծված իրավիճակին և գլոբալ մարտահրավերներին, Վրաստանի տնտեսությունը պահպանում է կայունությունը և արձանագրվում է տնտեսական ակտիվության բարձր աճ։

Նշենք, որ 2022 թվականի ընթացքում դիտված բարձր տնտեսական աճի միտումը շարունակվել է 2023 թվականի հունվարին և այս ամսվա ցուցանիշը կազմել է 8,4%։ Տնտեսական բարձր ակտիվության հետ մեկտեղ նկատվում է նաև գնաճի մակարդակի նվազում, որը հետհամաճարակային համաշխարհային մարտահրավեր է։

Տեղեկությունը տարածում է կառավարության աշխատակազմի լրատվական ծառայությունը։