Իրակլի Ղարիբաշվիլիի գլխավորած այսօրվա նիստում կառավարությունը քննարկել է յոթ հարց
Կառավարության նիստը տեղի է ունեցել Վրաստանի վարչապետ Իրակլի Ղարիբաշվիլիի գլխավորությամբ։
Կառավարության աշխատակազմում տեղի ունեցած խորհրդակցության շրջանակներում նախարարների կաբինետի անդամները քննարկել են յոթ հարց։
Քննարկված հարցերի թվում են եղել Վրաստանի կառավարության «Պետական սեփականություն հանդիսացող անշարժ գույքն անմիջական վաճառքի ձևով սեփականաշնորհելու մասին» որոշումների նախագծերը, որոնց հիման վրա 16 ֆիզիկական անձի և 19 ընտանիքի կհատկացվի պետական սեփականություն հանդիսացող անշարժ գույք անմիջական վաճառքով և մեկ լարի խորհրդանշական գնով։
Պետական սեփականություն հանդիսացող ոչ գյուղատնտեսական նշանակության հողամասը և դրա վրա գտնվող շինությունը նույնպես կփոխանցվի յոթ հոգանոց սոցիալապես անապահով ընտանիքի։ Ընտանիքը տարիներ շարունակ բնակվել է այդ գույքում։
Տեղեկությունը տարածում է կառավարության աշխատակազմի լրատվական ծառայությունը։