Իրակլի Ղարիբաշվիլիի ելույթը ՄԱԿ-ի Գլխավոր ասամբլեայի 78-րդ նստաշրջանում ուղիղ եթերով կցուցադրվի Վրաստանի Առաջին ալիքով
Վրաստանի վարչապետ Իրակլի Ղարիբաշվիլին այսօր ելույթ կունենա ՄԱԿ-ի Գլխավոր ասամբլեայի 78-րդ նստաշրջանի բանավեճի մասնակիցների առջեւ։
ՄԱԿ-ում Վրաստանի մշտական ներկայացուցիչ Դավիթ Բաքրաձեի խոսքով, Իրակլի Ղարիբաշվիլին իր ելույթում կընդգծի տարածքային ամբողջականության վերականգնման հարցում կառավարության խաղաղ քաղաքականությունը, կխոսի Վրաստանի իշխանության կողմից իրականացվող տնտեսական և ժողովրդավարական բարեփոխումների մասին՝ բնակչության համար շոշափելի արդյունքների հասնելու նպատակով:
Վրաստանի վարչապետի ելույթը ուղիղ եթերում կցուցադրվի Վրաստանի Առաջին ալիքով։