Եվրամիության ներգրավմամբ մենք սկսել ենք ռազմավարական նախագծի իրականացումը, սա Սևծովյան էլեկտրական մալուխն է, էլեկտրահաղորդման գիծը, որի վրա արդեն ստեղծվել է աշխատանքային խումբ, այս թեմայում ընդգրկված է չորս երկիր՝ Վրաստան, Ադրբեջան, Ռումինիա և Հունգարիա, սա կարող է լինել տեսանելի, օրինակելի նախագծերից մեկը,- այդ մասին հայտարարել է Վրաստանի վարչապետ Իրակլի Ղարիբաշվիլին Ավստրիայի դաշնային կանցլեր Կառլ Նեհամերի հետ կայացած մամուլի ասուլիսում։

«Մենք շատ ենք կարևորում կապը և դա մեր կառավարության հստակ առաջնահերթություններից է։ Այս և այլ նախագծերը կօգնեն Վրաստանին էլ ավելի ինտեգրվել եվրոպական շուկային, դառնալ ավելի կախված, և մենք պետք է ուժեղացնենք փոխադարձ կախվածության այս աստիճանը։ Սրանք այն հիմնական հարցերն են, որոնք մենք այսօր քննարկել ենք Ավստրիայի կանցլերի հետ։ Այսօր Վրաստանում պարոն կանցլերը բավականին հագեցած գրաֆիկ ունի, և ես ևս մեկ անգամ ցանկանում եմ շնորհակալություն հայտնել նրան այցի համար։ Երեկոյան հնարավորություն կունենանք շարունակել զրույցը, շատ շնորհակալ եմ»,- ասել է վարչապետը։