Իրակլի Ղարիբաշվիլի. Ես ուզում եմ մեր երկրի ներքին և արտաքին թշնամիներին ասել, որ մենք քաջատեղյակ ենք նրանց խնդիրներին, պետական ծառայությունները շատ լավ աշխատում են, և ես շնորհակալություն եմ հայտնում նրանց
Մեր երկրի ներքին ու արտաքին թշնամիներին ուզում եմ ասել՝ մենք ամեն ինչ շատ լավ գիտենք, շատ լավ գիտենք նրանց ծրագրերի, անելիքների մասին,- Վրաստանի վարչապետ Իրակլի Ղարիբաշվիլին խորհրդարանում ասել է հարցապնդման կարգով պատգամավորների հարցերին պատասխանելիս։
«Ես նշեցի ուկրաինացման պլանը, և ես ու կուսակցության նախագահը լայնորեն խոսեցինք դրա մասին։ Սա իրական սպառնալիք է, որից մենք, մեր թիմը, իշխանությունը խուսափել ենք մեր երկրի համար։ Իհարկե, վտանգը չի ավարտվել։ Ուստի մեր երկրի ներքին ու արտաքին թշնամիներին ուզում եմ ասել, որ մենք շատ լավ գիտենք ամեն ինչ նրանց ծրագրերի, խնդիրների, անելիքների մասին։ Պետական ծառայությունները լավ աշխատում են: Ուզում եմ շնորհակալություն հայտնել բոլորին։ Դուք տեսել եք, որ ընդամենը երկու տարում, դրանից պակաս, երկիրը ապակայունացնելու և երկիրը պատերազմի մեջ ներքաշելու չորս փորձ է եղել։ Սրանք կոնկրետ փաստեր են, որ ես բերել եմ ու հիշեցրել եմ մեր ապակառուցողական ընդդիմությանը։ Նրանցից լսել ենք սուտ, սուտ ու սուտ։ Սա նրանց ձեռագիրն է։ Կեղծ դեմագոգիա, սուտ ու ամեն տեսակ անհիմն մեղադրանքներ ու հարձակումներ, անձնական վիրավորանքներ»,- ասել է Իրակլի Ղարիբաշվիլին։
