Ես պատվաստել եմ իմ ընտանիքի բոլոր անդամներին, – «Pfizer» պատվաստանյութով պատվաստվելուց հետո լրագրողներին հայտնեց Վրաստանի վարչապետ Իրակլի Ղարիբաշվիլին:

Վարչապետի խոսքով, պատվաստանյութը պաշտպանում է մահացու ելքերից, և սա պատվաստման հետ կապված հիմնական փաստարկն է:

Ինչու «Pfizer»: Կինս պատվաստվել է «Sinopharm» պատվաստանյութով, այժմ մենք ցանկանում ենք տանը ինչ-որ մրցակցություն անցկացնել, ով ավելի ուժեղ իմունիտետ կունենա: Ընտանիքի յուրաքանչյուր անդամ, ծնողներս պատվաստվել են, կինս պատվաստվել է, հիմա ես եմ պատվաստվում: Այսպիսով, ես մեկ անգամ ևս ասում եմ բնակչությանը. Պատվաստանյութը բացարձակապես անվտանգ է: Բոլոր խոսակցություններն ու ստերը, որոնք տարածվում են տարբեր միջոցներով, անհիմն են, սուտ են և մենք պետք է հավատանք գիտնականներին: Այս պատվաստանյութերով պատվաստվում են աշխարհի առաջնորդները: Պատվաստման հետ կապված ամենակարևոր փաստարկը, և այս փաստարկին չի կարող հակասել գրեթե ոչ մի հակափաստարկ, այն է, որ պատվաստումը մեզ պաշտպանում է մահից: Հետեւաբար, եկեք պաշտպանենք ինքներս մեզ, մեր ընտանիքի անդամներին ու հարազատներին», – ասել է Իրակլի Ղարիբաշվիլին: