Ես հավատում եմ և ցանկանում ենք հույս հայտնել, որ հոկտեմբերին Եվրահանձնաժողովը դրական հանձնարարականով կդիմի Խորհրդին, և մինչև տարեվերջ Վրաստանը կստանա թեկնածուի կարգավիճակ,- հայտարարել է Վրաստանի վարչապետ Իրակլի Ղարիբաշվիլին՝ Եվրամիության բարձր ներկայացուցիչ, Եվրոպական հանձնաժողովի փոխնախագահ Ջոզեֆ Բորելի հետ համատեղ մամուլի ասուլիսին:

Ղարիբաշվիլիի խոսքով՝ վերջին տասը տարում իշխանությունը կարեւոր եւ ամենակարեւորը՝ շոշափելի բարեփոխումներ է իրականացրել։

«Մեր ընկերներին ևս մեկ անգամ ուզում եմ հիշեցնել, որ վերջին տասը տարում մեր իշխանությունը կարևոր և, որ ամենակարեւորն է, շոշափելի բարեփոխումներ է իրականացրել։ Եթե ​​որեւէ մեկը, որեւէ քաղաքական ուժ Վրաստանում կոնկրետ արդյունքների է հասել երկրի եվրաինտեգրման ճանապարհին, դա իշխող «Վրացական երազանք» կուսակցությունն է։

Մենք ստորագրեցինք ասոցացման համաձայնագիր, ազատ առևտուր, առանց վիզայի ռեժիմ, անցյալ տարի ստացանք եվրոպական հեռանկար։ Ես հավատում եմ և ցանկանում ենք հույս հայտնել, որ հոկտեմբերին Եվրահանձնաժողովը դրական հանձնարարականով կդիմի Խորհրդին, և տարեվերջին երկիրը կստանա թեկնածուի կարգավիճակ»,- ասել է Իրակլի Ղարիբաշվիլին։