Երկրում պետք է վերացվեն չափազանց մեծ խոչընդոտները և առավելագույն ուշադրություն ու աջակցություն մեր ժողովրդին – սրանք պետք է լինեն մեր հիմնական ուղերձները,- կառավարության նիստի ժամանակ հայտարարել է Վրաստանի վարչապետ Իրակլի Ղարիբաշվիլին։

Ինչպես նշել է վարչապետը, կառավարությունը պատրաստ է ընթացիկ տարին դարձնել ավելի լավ և հաջող։

«Ցանկանում եմ շնորհակալություն հայտնել բոլոր նախարարներին հաջող աշխատանքի համար։ Այժմ մենք պետք է ավելին անենք։ Սա չի նշանակում, որ մենք պետք է ինքնագոհ լինենք, ընդհակառակը, մի բան եմ ուզում ասել՝ անցյալ տարի, ինչպես գիտեք, երկրում շատ բան է տեղի ունեցել։ Այդ թվում՝ եղել են ընտրություններ։ Քաղաքական իրավիճակը բավականին լարված էր, բայց մենք շատ հաջող տնտեսական տարի ունեցանք։ Շնորհավորում եմ բոլորիդ այս նվաճման կապակցությամբ, բայց մենք պատրաստ ենք ունենալ ավելի լավ, ավելի հաջող տարի։ Դրա համար մենք պետք է ավելի շատ աշխատենք, ավելի տրամադրվածությամբ, մոբիլիզացվենք՝ ավելին անելու մեր բնակչության համար։ Հատկապես այն հատվածին, որն ամենաշատն ունի պետության օգնության ու աջակցության կարիքը։ Մենք պետք է հնարավորինս դյուրին դարձնենք ծառայությունների հասանելիությունը: Մենք պետք է կատարելագործվենք, մենք պետք է կատարելագործենք պետական ​​ծառայությունները, պետք է հեշտացնենք բիզնեսի գործունեությունը: Երկրում պետք է վերացվեն չափազանց մեծ խոչընդոտները և առավելագույն ուշադրություն ու աջակցություն ցուցաբերվի մեր բնակչությանը։ Սրանք պետք է լինեն մեր հիմնական ուղերձները»,- ասել է Իրակլի Ղարիբաշվիլին։