Իրակլի Ղարիբաշվիլի. Երբ ես նշանակվեցի վարչապետ, հիմնական մարտահրավերներից մեկը օրենքի կատարումն էր, մարդիկ վիճում էին՝ օրենքը կիրառե՞լ, թե՞ ոչ, ես հարցնում եմ, ինչ իմաստ ունի օրենքը, սահմանադրությունը
Երբ ես նշանակվեցի վարչապետ, հիմնական մարտահրավերներից մեկը օրենքի կատարումն էր, մարդիկ վիճում էին՝ օրենքը կիրառե՞լ, թե՞ ոչ, ես հարցնում եմ, ինչ իմաստ ունի իրավական պետությունը, օրենքը, սահմանադրությունը,- այս մասին Վրաստանի վարչապետ Իրակլի Ղարիբաշվիլին հայտարարել է Թեթրիծղարոյի քաղաքապետի թեկնածու Գիորգի Ծիկլաուրիի առաջադրման միջոցառմանը:
«Ես ասել եմ նախորդ ելույթում և ուզում եմ կրկնել: Կանխատեսելիությունը շատ կարևոր է յուրաքանչյուր մարդու համար: Եթե հարցնենք մեր քաղաքացիներից որևէ մեկին, մեր եղբայրներին, քույրերին: Մարդը չի կարող պլանավորել վաղվա օրը, նույնիսկ այսօր, եթե չգիտի, թե ինչ է լինելու մոտակա ժամերին, օրերին: Երբ մարդն անընդհատ քաոսի մեջ է, ագրեսիայի ֆոնին եւ քարոզ է իրականացվում, իհարկե, սա շատ մեծ խանգարող գործոն է: Երբ ես նշանակվեցի վարչապետ, հիշում եմ այն ժամանակ, հիմնական մարտահրավերներից մեկը օրենքի կատարումն էր:
Մարդիկ վիճում էին, ես այլևս չեմ ուզում խոսել ազգանուններով և անուններով, կատարել օրենքը, թե՞ ոչ: Ես հարցնում եմ,ինչ իմաստ ունի իրավական պետությունը, օրենքը, սահմանադրությունը: Այս իրավիճակում երբ անձը, քաղաքացին տեսնում է, որ ինչ-որ մեկը արտոնյալ է, նրա վրա օրենքը չի կատարվում, և մյուսի համար օրենքը պետք է կիրառվի, այդտեղ փլուզվել է, այլևս պետություն չկա: Հետևաբար, իհարկե, էական է, որ բոլորը ենթարկվեն օրենքին եւ լինեն կայունություն: Մենք շատ ակնթարթորեն վերականգնեցինք խախտված հավասարակշռությունը և բոլորին տվեցինք համապատասխան տեղ, խոսք և պատասխան: Միշտ այդպես կլինի: Երկրում հեղափոխությունների ու պատերազմների ժամանակն ավարտված է, բարեկամներ: Մեր երկրում ոչ հեղափոխություն կլինի, ոչ էլ պատերազմ: Մեզ երկարաժամկետ խաղաղություն, կայունություն եւ զարգացում է անհրաժեշտ, իսկ դրա երաշխիքը «Վրացական երազանքն» է»,-ասել է Իրակլի Ղարիբաշվիլին:
