Վրաստանի վարչապետ Իրակլի Ղարիբաշվիլին իր ցավակցությունն է հայտնում Սագարեջոյում տեղի ունեցած ողբերգության ժամանակ զոհվածների ընտանիքներին, ընկերներին և հարազատներին։

«Խորը վշտացած եմ Սագարեջոյում տեղի ունեցած ողբերգության համար, որը խլեց մեկ ոստիկանի և չորս քաղաքացու կյանք։ Իմ անկեղծ ցավակցությունն ու կարեկցությունն եմ հայտնում մահացածների ընտանիքի անդամներին, հարազատներին, հերոս ոստիկանի ծառայակիցներին և ներքին գործերի նախարարությանը:

Հարձակման հետևանքով տուժածներին մաղթում եմ շուտափույթ ապաքինում»,- գրել է Իրակլի Ղարիբաշվիլին։

Սագարեջոյում անհայտ անձը ուշ գիշերին կրակ է բացել շենքերից մեկից։

Վերջին տվյալներով՝ կրակոցների հետեւանքով զոհվել է հինգ, վիրավորվել՝ հինգ մարդ։ Ըստ ՆԳՆ-ի՝ դեպքի վայր ժամանելուն պես մեղադրյալը ինքնասպանություն է գործել: