Մենք Վրաստանում ունենք չորս ազատ արդյունաբերական և տնտեսական գոտիներ, սա հազվադեպ հնարավորություն է օտարերկրյա ընկերությունների համար, որ գան, ձեռնարկություններ ստեղծեն, ներդրումներ անեն Ադրբեջանում, Վրաստանում, և մենք ուզում ենք դա կապել վերականգնվող էներգիայի հետ,- այս մասին Վրաստանի վարչապետ Իրակլի Ղարիբաշվիլին ասել է Դավոսում Համաշխարհային տնտեսական ֆորումի շրջանակում։

Ինչպես նշել է Իրակլի Ղարիբաշվիլին, Վրաստանն ունի լավագույն բիզնես միջավայրերից մեկը։

«Բիզնես վարելու դյուրինության առումով մենք գտնվում ենք 10-րդ և 20-րդ տեղերում, տնտեսական ազատության, բազմաթիվ այլ վարկանիշների և ինդեքսների համատեքստում։ Նաև ուզում եմ ասել, որ Վրաստանում ունենք չորս ազատ արդյունաբերական և տնտեսական գոտի, սա հազվադեպ հնարավորություն է, որ օտարերկրյա ընկերությունները գան, ձեռնարկություններ ստեղծեն, ներդրումներ կատարեն Ադրբեջանում, Վրաստանում, և մենք ուզում ենք դա կապել վերականգնվող էներգիայի հետ։ Վրաստանը հարուստ է հիդրոէլեկտրական ռեսուրսներով։ Մենք մշակել ենք ռազմավարություն, որտեղ մենք մտադիր ենք մեծ ներդրումներ կատարել վերականգնվող էներգիայի, արևի, քամու և այլնի ոլորտում: Մենք ցանկանում ենք օգտագործել այս էժան էներգիան և մեր երկրի ռազմավարական դիրքը։ Այս ամենը կնպաստի բիզնեսով զբաղվելուն և շահավետ կլինի ներդրողների համար։

Կառավարման հարցում պարոն նախագահը շատ ճիշտ պատվիրեց, որ մենք հանդիպում ունենանք Ղազախստանում, որտեղ ստորագրեցինք այսպես կոչված. Ճանապարհային քարտեզ, թե ինչպես հեշտացնել այս ուղղությունը, ինչպես հեռացնել խոչընդոտները: Կարծում եմ՝ մենք կպայմանավորվենք հետագա քայլերի շուրջ։ Մեր պլանն է նախապատրաստել նախնական ճանապարհային քարտեզը, որը մենք համաձայնեցրել ենք 2022-2027 թվականների համար, այս միջանցքի համար»,- ասել է Ղարիբաշվիլին։