Ադրբեջանի և Հայաստանի հարաբերություններում Վրաստանն իսկապես չեզոք և անկողմնակալ միջնորդ է,- ասել է Վրաստանի վարչապետ Իրակլի Ղարիբաշվիլին Դավոսում Համաշխարհային տնտեսական ֆորումի շրջանակներում տեղի ունեցած քննարկման ժամանակ։

Ինչպես նշել է Իրակլի Ղարիբաշվիլին, Վրաստանը, Հայաստանը և Ադրբեջանը կարող են տարածաշրջանը վերածել խաղաղության և բարգավաճման տարածաշրջանային հնարավորության։

«Ինչ վերաբերում է Ադրբեջանի և Հայաստանի հարաբերություններին, ապա Վրաստանն իսկապես չեզոք և անկողմնակալ միջնորդ է, ինչի մասին պարոն Ալիևը պատվիրել է, որ մեր շահերից է բխում եռակողմ հանդիպման անցկացումը, քանի որ այս տարածաշրջանը պատկանում է մեզ՝ Հայաստանին, Ադրբեջանին, Վրաստանին։ Մենք կարող ենք այս տարածաշրջանը վերածել տարածաշրջանային խաղաղության և բարգավաճման հնարավորության։

Մի բան նշեմ, Սառը պատերազմի ու Խորհրդային տարիներին կար տերմին՝ վստահիր, բայց ստուգիր, վստահությունը տեղին է, բայց Դավոսում մեկ այլ արտահայտություն լսեցի՝ մի՛ վստահիր, սակայն համագործակցիր,- նշել է Վրաստանի վարչապետը։