Վրաստանը սերտ ռազմավարական համագործակցություն և բարեկամություն ունի Ղազախստանի հետ, ինչը ամրապնդվում է երկու կառավարությունների միջև սերտ հարաբերություններով,- Ղազախստանի վարչապետ Ալիխան Սմայիլովի հետ համատեղ ճեպազրույցում ասել է Վրաստանի վարչապետ Իրակլի Ղարիբաշվիլին։

Ինչպես նշել է Իրակլի Ղարիբաշվիլին, դեմ առ դեմ հանդիպմանը քննարկվել են Ղազախստանի և Վրաստանի հետ կապված ընթացիկ հարցեր։

«Ցանկանում եմ ողջունել իմ սիրելի գործընկերոջն ու ընկերոջը՝ Ղազախստանի վարչապետ Ալիխան Սմայիլովին։ Սա նրա առաջին պաշտոնական այցն է Վրաստան։ Կառավարության և ժողովրդի անունից ուզում եմ մեր երախտագիտությունն ու հարգանքը հայտնել։ Մենք սերտ ռազմավարական համագործակցություն և հարաբերություններ ունենք Ղազախստանի հետ, բարեկամություն, որն ամրապնդվում է երկու կառավարությունների սերտ համագործակցությամբ և հարաբերություններով։

Մենք շատ բովանդակալից քննարկումներ ունեցանք, վերանայեցինք Ղազախստանի և Վրաստանի հետ կապված ընթացիկ հարցերը։ Մենք նաև նշել ենք, որ գոհ ենք վերջին շրջանում նկատվող միտումից։ Նկատի ունեմ արտահանման աճը, առհասարակ ապրանքաշրջանառության աճը։ Ուրախությամբ ուզում եմ նշել նաև, որ տարեցտարի ավելանում է Ղազախստանից Վրաստան զբոսաշրջիկների թիվը։ Ուրախ ենք Վրաստանում տեսնել ավելի շատ ղազախ զբոսաշրջիկների և ներդրողների։ Ղազախստանը շատ կարևոր ներդրումներ է կատարել Վրաստանում, և մենք համագործակցում ենք բոլոր ուղղություններով»,- ասել է Իրակլի Ղարիբաշվիլին։