Վրաստանը և Իսրայելը երկկողմանի գործընկերության երկար պատմություն ունեն, այդ թվում՝ պաշտպանության և անվտանգության ոլորտում, որը հիմնված է ընդհանուր արժեքների և սկզբունքների վրա,- գրել է Վրաստանի վարչապետ Իրակլի Ղարիբաշվիլին սոցցանցի իր էջում։

Իրակլի Ղարիբաշվիլին նշում է, որ արդյունավետ զրույց է տեղի ունեցել Իսրայելի Պետության փոխվարչապետ և պաշտպանության նախարար Բենի Գանցի հետ։

«Շատ լավ զրույց է տեղի ունեցել Իսրայելի փոխվարչապետ, պաշտպանության նախարար Բենի Գանցի հետ։ Վրաստանը և Իսրայելը երկկողմանի գործընկերության երկար պատմություն ունեն, այդ թվում՝ պաշտպանության և անվտանգության ոլորտում՝ հիմնված ընդհանուր արժեքների և սկզբունքների վրա։ Վստահ եմ, որ մեր համագործակցությունն էլ ավելի կխորանա՝ ամրապնդելով մեր կապերը ընդհանուր շահերի ոլորտում»,- ասել է վարչապետը։

Վրաստանի վարչապետ Իրակլի Ղարիբաշվիլին այսօր Մյունխենի անվտանգության համաժողովի շրջանակներում հանդիպել է Իսրայելի փոխվարչապետ, պաշտպանության նախարար Բեն Գանցի հետ։