Որպես երկրի վարչապետ՝ ուզում եմ ժողովրդի առջև հայտարարել, որ չեմ կայացնի որևէ որոշում, որը որևէ կերպ կվնասի մեր երկրի և մեր ժողովրդի ազգային շահերը,- ասել է Վրաստանի վարչապետ Իրակլի Ղարիբաշվիլին:

Վարչապետի խոսքով՝ Վրաստանը, հաշվի առնելով ազգային շահերը, չի պատրաստվում մասնակցել ֆինանսատնտեսական պատժամիջոցներին։

«Երկու օր առաջ իմ ելույթում ես որպես Վրաստանի վարչապետ ասացի, որ ուզում եմ մեր ժողովրդին ասել հետևյալը՝ ոչինչ չեմ անելու, որևէ որոշում չեմ կայացնի, որը կվնասի մեր երկրի և մեր ազգային շահերին։

Հետևաբար, մենք տեղեկացել ենք մեր միջազգային գործընկերների գործողություններին, որոնք հետևել են Ուկրաինայում ռազմական գործողությունների մեկնարկին, նկատի ունեմ տնտեսական և ֆինանսական պատժամիջոցները։ Ցանկանում եմ հստակ և միանշանակ հայտարարել, որ Վրաստանը, հաշվի առնելով մեր ազգային շահերը և մեր ժողովրդի շահերը, չի պատրաստվում մասնակցել ֆինանսատնտեսական պատժամիջոցներին, քանի որ, կրկնում եմ, դա միայն կվնասի մեր երկրին և մեր բնակչությանը։ Համապատասխանաբար, պատասխանատու լինելով մեր երկրի ժողովրդի առաջ և կառավարության ղեկավարի, ով պատասխանատու է և՛ ներքին, և՛ արտաքին քաղաքականության համար՝ ելնելով ազգային շահերից, որոշումը հիմնվում է բացառապես ազգային շահերի վրա»,- ասել է Իրակլի Ղարիբաշվիլին։