Մեզ մտահոգում է աշխարհում տեղի ունեցող ներկայիս պատերազմներն ու ճգնաժամերը, երկրներին անհրաժեշտ է որոշում, եթե չեք կարող հարցը լուծել պատերազմով, ապա պետք է նստեք և բանակցեք,- հայտարարել է Վրաստանի վարչապետ Իրակլի Ղարիբաշվիլին՝ Փարիզի խաղաղության ֆորումի ժամանակ:

Վրաստանի կառավարության ղեկավարը պանելային քննարկման ժամանակ պատասխանել է աշխարհում ընթացող պատերազմներին և հակամարտություններին վերաբերող հարցին։

«Եվս մեկ անգամ ուզում եմ ձեզ ասել, թե որքան անհանգստացած ենք աշխարհում շարունակվող պատերազմներով ու ճգնաժամերով, իսկ հարցի հեղինակը նշել է ՀԱՄԱՍ-ի և Իսրայելի միջև շարունակվող ճգնաժամը։ Վրաստանը դատապարտում է ահաբեկչությունը, ահաբեկչական հարձակումները խաղաղ բնակչության վրա: Ես կկրկնեմ այն, ինչ սկզբում ասացի, երկրներին անհրաժեշտ է որոշում, եթե դուք չկարողացաք հարցը լուծել պատերազմով, ապա պետք է նստեք և բանակցեք, սա է իմ վերջնական դիրքորոշումն այս իրավիճակի վերաբերյալ»,- ասել է Ղարիբաշվիլին։