Բոլոր բարեփոխումները, որոնք իրականացվել են մեր երկրում վերջին տարիներին, մեր երկրի եվրաինտեգրման գործընթացն ավելի ու ավելի անշրջելի են դարձնում,- ասել է Վրաստանի վարչապետ Իրակլի Ղարիբաշվիլին՝ «Նորարարությունները դատապարտյալների և պրոբացիայի ենթարկվածների վերականգնման և վերասոցիալականացման գործընթացում» թեմայով համաժողովի ժամանակ ելույթ ունենալիս:

Վարչապետի խոսքով, կառավարությունը վերջին տասը տարում հասել է առավելագույն արդյունքների:

Բացի այդ, Իրակլի Ղարիբաշվիլին իր ելույթի ժամանակ շնորհակալություն է հայտնել արդարադատության նախարարին՝ հաջող գործունեության և բարեփոխումների համար։

«Ինչպես գիտեք, մենք վերջին տասը տարում հասել ենք առավելագույն արդյունքների՝ լինի դա ասոցացման համաձայնագիր, առանց վիզայի ռեժիմ, ազատ առևտուր, եվրոպական հեռանկար, և այժմ մեր երկիրը սպասում է թեկնածուի կարգավիճակին, որը մեծապես կամրապնդի մեր երկրի եվրոպական ապագան: Եվս մեկ անգամ ցանկանում եմ շնորհակալություն հայտնել արդարադատության նախարար Ռատի Բրեգաձեին և նրա թիմին՝ հաջող աշխատանքի և բարեփոխումների համար»,- ասել է Իրակլի Ղարիբաշվիլին։