Նոյեմբերի 25-ին Տնտեսական խորհրդի ձևաչափով մենք քննարկել ենք բյուջեի հարցը, իսկ նոյեմբերի 30-ին բյուջեի վերջնական տարբերակը կներկայացվի խորհրդարանին,- այսօր կայացած կառավարության նիստում ասել է Վրաստանի վարչապետ Իրակլի Ղարիբաշվիլին։

Ինչպես նշել է կառավարության ղեկավարը, ընթացիկ տարվա տնտեսական աճի կանխատեսումը կճշգրտվի և 8,5 տոկոսի փոխարեն կկազմի 10 տոկոս, ինչը նշանակում է, որ երկու տարի անընդմեջ երկիրը երկնիշ տնտեսական աճ ունի։

«Մենք կհստակեցնենք ընթացիկ տարվա տնտեսական աճի կանխատեսումը եւ 8,5 տոկոսի փոխարեն կունենանք 10 տոկոս։ Սա նշանակում է, որ մենք ունենք երկու տարի անընդմեջ երկնիշ տնտեսական աճ, որը առողջ տնտեսական քաղաքականության արդյունք է։ Ուզում եմ բոլորին հիշեցնել, որ մոտ 80 միլիարդ լարին համախառն ներքին արդյունքն է լինելու։ Սա նշանակում է, որ մեկ շնչին բաժին ընկնող գումարը կհասնի 7500 դոլարի, ինչը հսկայական բարելավում է վերջին երկու տարվա ընթացքում։ Ասեմ նաև, որ վերջին մեկ տարում ստեղծվել է ավելի քան 100 հազար նոր աշխատատեղ։ Գործազրկությունն իջել է պատմական նվազագույնի, ունենք աղքատության նվազում եւ աճ կա բոլոր ուղղություններով՝ լինի զբոսաշրջություն, արտահանում, ներքին արտադրություն, մի խոսքով, բոլոր ուղղություններով ունենք դրական ցուցանիշներ։

Հաշվի առնելով փաստացի մոբիլիզացիայի դինամիկան՝ մենք ավելացնում ենք 2023 թվականի համախմբված բյուջեի հարկային եկամուտների պլանավորված դրույքաչափը մոտ 390 մլն լարիով։ Բացի այդ, վարկերի մարման և այլ եկամուտների պլանավորված ցուցանիշները կավելանան մոտավորապես 270 մլն լարիով։ Ելնելով վերոգրյալից՝ հաջորդ տարի մեր ռեսուրսները կավելանան 660 մլն լարիով և, համապատասխանաբար, նույնքանով կավելանան միասնական բյուջեն և, ընդհանուր առմամբ, միացյալ բյուջեն կկազմի 25 մլրդ լարի»,- ասել է վարչապետը։