Վրաստանի վարչապետ Իրակլի Ղարիբաշվիլին շնորհավորել է վրացի դիվանագետներին մասնագիտական ​​տոնի՝ վրացական դիվանագիտության օրվա առթիվ։

Կառավարության ղեկավարը նշում է, որ վրացական դիվանագիտությունը այսօր էլ պատվով է կատարում նախնյաց մեծ առաքելությունը՝ ամենադժվար մարտահրավերներին դիմակայելով, հավուր պատշաճի կրում է Վրաստանի շահերն ամբողջ աշխարհում և էական ներդրում ունի մեր երկրի կայունության և զարգացման գործում։

«Շնորհավորում եմ բոլոր վրացի դիվանագետներին մասնագիտական ​​տոնի՝ վրացական դիվանագիտության օրվա առթիվ։

Այս ամսաթիվը կապված է մեծ հասարակական գործչի, վրաց ազգի եվրոպական գաղափարի հիմնասյուներից մեկի՝ Սուլխան-Սաբա Օրբելիանիի անվան հետ։ Հպարտություն է, որ նույնիսկ այսօր վրացական դիվանագիտությունը պատվով է կատարում իր նախնիների մեծ առաքելությունը՝ ամենադժվար մարտահրավերներին դիմակայելով, հավուր պատշաճի կրում է Վրաստանի շահերն ամբողջ աշխարհում և էական ներդրում ունի մեր երկրի կայունության և զարգացման գործում։

Այսօր մեր երկրին հատկապես անհրաժեշտ են բարձր պրոֆեսիոնալ, հայրենասեր դիվանագետներ։ Ես անձամբ հաստատում եմ իմ և կառավարության աջակցությունն այն գործունեությանը, որը կենտրոնացած է արդյունքների և երկրի բարգավաճման վրա»,- ասել է վարչապետ Իրակլի Ղարիբաշվիլին։