«Շնորհակալություն մեր հպարտ ժողովրդին և այս մեծ հաղթանակի գլխավոր կերտող Բիձինա Իվանիշվիլիին, մեր ողջ թիմին»,- էքզիթ փոլի արդյունքների հրապարակումից հետո ասաց «Վրացական երազանք» կուսակցության նախագահ Իրակլի Ղարիբաշվիլին։

«Ցանկանում եմ շնորհակալություն հայտնել մեր հպարտ ժողովրդին, մեր ընտրողներին, իհարկե, այս մեծ հաղթանակի գլխավոր կերտողին՝ մեր կուսակցության հիմնադիր պարոն Բիձինա Իվանիշվիլիին, մեր ողջ թիմին՝ «Վրացական երազանք»-ին և մեր հավատարիմ աջակիցներին»,-ասել է Իրակլի Ղարիբաշվիլին։

«Իմեդի» հեռուստաընկերության պատվերով «Գորբի» էքզիթ-փոլի տվյալների համաձայն՝ (ժամը 18:00-ի դրությամբ) խորհրդարանական ընտրություններում կուսակցությունների վարկանիշները բաշխվել են հետևյալ կերպ. «Վրացական երազանք-Ժողովրդավարական Վրաստան»՝ 56,1%։ «Միասնություն՝ ազգային շարժում»՝ 11,6 տոկոս «Հզոր Վրաստան՝ Լելո, Հանուն ժողովրդի, Հանուն ազատության»՝ 7,0 տոկոս «Փոփոխությունների կոալիցիան Գվարամիա, Մելիա, Գիրչին, ժամանակն է»՝ 12,6 տոկոս։ «Գախարիա հանուն Վրաստանի »՝ 4,8%։