«Սևծովյան ստորջրյա էլեկտրահաղորդման մալուխ» նախագիծը ստացել է Բրյուսելի, Եվրոպական Միության և խոշոր ֆինանսական կառույցների ամբողջական աջակցությունը, և մենք ակնկալում ենք, որ այն կլինի հիմնական պատմական նախագծերից մեկը, որը կիրականացվի վերջին 30 տարում, – այս մասին հայտարարել է Վրաստանի վարչապետ Իրակլի Ղարիբաշվիլին՝ խորհրդարանում, տարեկան զեկույցը ներկայացնելիս։

Կառավարության ղեկավարի խոսքով՝ սա լինելու է պատմական գլխավոր նախագծերից մեկը, որը կիրականացվի վերջին 30 տարում։

«Անցյալ տարի մենք նախաձեռնեցինք պատմական նշանակություն ունեցող նախագիծ։ Սա վրացական նախաձեռնություն է, խոսքը վերաբերում է «Սևծովյան ստորջրյա էլեկտրահաղորդման մալուխին»։ Մենք քննարկել ենք այս նախագիծը։ Ես անձամբ այցելել եմ Բրյուսել 2021 թվականի ապրիլին։ Քննարկման հիմնական թեմաներից մեկը սա էր, երբ մենք ընտրում էինք խոշոր նախագծեր։ Մենք ի սկզբանե լիակատար աջակցություն ենք ստացել Եվրամիության կողմից։ Հետո մենք շարունակեցինք ակտիվ համագործակցությունը մեր ռազմավարական գործընկերների՝ Ադրբեջանի, Ռումինիայի, Հունգարիայի հետ, իսկ անցյալ տարի ստորագրվեց հուշագիր։ Այժմ այն ​​ակտիվորեն ուսումնասիրվում է։ Ակնկալում ենք, որ սեպտեմբերին կունենանք ուսումնասիրության արդյունքները, իսկ դրանից հետո կանցնենք երկրորդ փուլին։ Այս նախագիծը լիակատար աջակցություն ունի Բրյուսելի, Եվրամիության և խոշոր ֆինանսական կառույցների կողմից, և մենք ակնկալում ենք, որ այն կլինի գլխավոր պատմական նախագծերից մեկը, որը կիրականացվի վերջին 30 տարում»,- ասել է Իրակլի Ղարիբաշվիլին։