Ներդրումների ընդհանուր ծավալն այսօրվա դրությամբ կազմում է 93 մլն դոլար, որը երկու փուլերի ավարտից հետո կավելանա մինչև 120 մլն դոլար,- ասել է Վրաստանի վարչապետ Իրակլի Ղարիբաշվիլին` Փոթիում նոր ծովային նավահանգստի բացման արարողության ժամանակ խոսքով ելույթ ունենալիս:

Կառավարության ղեկավարը նշել է, որ «Pays» ընկերությունը 2020 թվականից Փոթիում նոր նավահանգստի լայնածավալ շինարարություն է իրականացնում, ինչը տարածաշրջանի համար չափազանց կարևոր ծրագիր է։

«Բարի գալուստ բոլորին, սիրելի հյուրեր, ընկերներ և գործընկերներ: Ինձ համար մեծ պատիվ է լինել այստեղ՝ Վրաստանի Սև ծովի դարպասների մոտ՝ Փոթիում և խոսել ձեր առջև։ Այսօր իսկապես փառավոր օր է: Շնորհավորում ենք «Pays» ընկերությանը, նրա յուրաքանչյուր աշխատակցին նման լայնածավալ նախագծի հաջող իրականացման համար։ Ինչպես գիտեք, 2020 թվականից Փոթիում նոր նավահանգստի լայնածավալ շինարարություն է իրականացնում «Pays» ընկերությունը, որը չափազանց կարևոր ծրագիր է տարածաշրջանի համար։ Ներդրումների ընդհանուր ծավալն այսօրվա դրությամբ կազմում է 93 մլն դոլար, որը երկու փուլերի ավարտից հետո կաճի մինչև 120 մլն դոլար։ Հատկապես կցանկանայի նշել նախագծում մեր հիմնական ռազմավարական գործընկերոջ՝ ԱՄՆ-ի ներգրավվածությունը։ Մասնավորապես, ԱՄՆ Դաշնային կառավարության Միջազգային ֆինանսական զարգացման կորպորացիան (DFC) հատկացրել է 50 միլիոն դոլարի ֆինանսավորում, ինչը ևս մեկ վկայություն է, որ Վրաստանը գրավիչ երկիր է օտարերկրյա ներդրումների համար և որ այն ամենամեծ տարանցիկ և տրանսպորտային ներուժ ունեցող երկիրն է տարածաշրջանում»,- ասաց վարչապետը: