Վրաստանի վարչապետ Իրակլի Ղարիբաշվիլիի խոսքով՝ չնայած համաճարակի հետևանքով առաջացած մարտահրավերներին՝ Վրաստանը առաջընթաց է գրանցել բոլոր ուղղություններով։

«Մեր երկրի տնտեսությունը համաճարակից հետո շատ արագ վերականգնվեց: Մենք անցած տարի շատ ճիշտ, խելամիտ ու արդյունավետ քայլեր կատարեցինք։ Անցյալ տարի մենք ունեցել ենք երկնիշ տնտեսական աճ, իսկ այս տարի, չնայած այս մարտահրավերներին ու դժվարին պայմաններին, ունենք երկնիշ տնտեսական աճ։ Ընդամենը ինը ամսում ստեղծվել է ավելի քան 100 հազար աշխատատեղ»,- ասել է Իրակլի Ղարիբաշվիլին։

Ղարիբաշվիլիի խոսքով՝ այս տեսանկյունից երկրի խաղաղության ու կայունության պահպանումը շատ կարևոր է։

«Միակ բացառությունն է մեր անկախությունը վերականգնելուց հետո, երբ Վրաստանն ունի շարունակական խաղաղություն և կայունություն։ Մենք դա կարողացանք մեր ողջամիտ քաղաքականությամբ, միևնույն ժամանակ՝ իշխանության գալուց ի վեր մեր սկզբունքներով։ Մեր ժողովրդի և երկրի ազգային շահերից է բխում, որ ունենանք խաղաղ, կայուն և զարգացող ժամանակաշրջան։ Մեր ապագան Եվրամիությունում է, մենք հավատում ենք դրան և միասին կհասնենք դրան», – ասել է Իրակլի Ղարիբաշվիլին Եվրոպական հարևանության քաղաքականության և ընդլայնման հարցերով եվրահանձնակատար Օլիվեր Վարհեյի հետ ասուլիսում։