Իրակլի Ղարիբաշվիլի. Մենք լավ հասկանում ենք, որ Եվրամիությանն անդամակցելու գործընթացը մեծ պատասխանատվություն է պահանջում, մենք ուժեղ կամք ենք դրսևորել, որ պատրաստ ենք կատարել մեր պարտավորությունները.
Շնորհակալություն Ջոզեֆ Բորելին այցելելու համար: Սա հստակ ուղերձ է, որ Եվրամիությունը կանգնած է Վրաստանի և վրաց ժողովրդի կողքին։ Մենք դա շատ ենք գնահատում,- ասել է Վրաստանի վարչապետ Իրակլի Ղարիբաշվիլին Եվրամիության արտաքին քաղաքականության և անվտանգության քաղաքականության հարցերով բարձրագույն ներկայացուցիչ Ջոզեֆ Բորելի հետ համատեղ ասուլիսում։
Նրա խոսքով, իշխանությունը լավ է հասկացել, որ Եվրամիությանը լիիրավ անդամակցության գործընթացը ժամանակատար է եւ մեծ պատասխանատվություն է պահանջում։
«Մենք անցյալ տարի ստացանք եվրոպական հեռանկար, որը պատմական որոշում էր։ Դրա համար ուզում եմ ևս մեկ անգամ մեր կառավարության անունից շնորհակալություն հայտնել։ Դա իսկապես պատմական որոշում էր։ Նաև մենք լիովին հասկանում ենք, որ Եվրամիությանը լիիրավ անդամակցության գործընթացը բավականին երկար է, ժամանակատար և պահանջում է երկարաժամկետ պարտավորություններ և մեծ պատասխանատվություն։ Սա մենք քաջ գիտակցում ենք։ Հենց այս նպատակով և այս ոգով է, որ մենք սկսել ենք աշխատել 12 հանձնարարականների իրականացման վրա՝ 12 հանձնարարականները մեզ հանձնելուց հետո։ Մեր քաղաքական թիմը, Վրաստանի խորհրդարանը կառավարության և այլ դերակատարների հետ միասին հսկայական աշխատանք է կատարել։ Ուզում եմ ևս մեկ անգամ հիշեցնել, թե ինչ աշխատանք է կատարվել մեր կողմից։ Առաջին հերթին մենք դրսևորել ենք ամուր կամք, որ պատրաստ ենք կատարել մեր պարտավորությունները և իրականացնել Եվրահանձնաժողովի հանձնարարականները։ Մենք ապահովեցինք թափանցիկ և ներառական գործընթաց, ի սկզբանե հրավիրեցինք բոլոր շահագրգիռ կողմերին, ընդդիմությանը, այդ թվում՝ արմատական ընդդիմությանը, դռները բացեցինք նրանց առաջ։ Ստեղծվել են աշխատանքային խմբեր, և այդ գործընթացում հրավիրվել են բոլոր շահագրգիռ կողմերը»,- ասել է Իրակլի Ղարիբաշվիլին։
