Ուզում եմ հանրությանը հիշեցնել, որ բոլոր լավ բաները, մեր երկրի եվրաինտեգրման ճանապարհին վերջին տասը տարում ձեռք բերված բոլոր առաջընթացները մեր թիմի վաստակն են,- այս մասին հայտարարել է Վրաստանի վարչապետ Իրակլի Ղարիբաշվիլին՝ ներկայացնելով տարեկան հաշվետվությունը։

Ինչպես նշել է Իրակլի Ղարիբաշվիլին, այս տարի Վրաստանին տրվել է եվրոպական հեռանկար, որը նախկինում դժվար էր պատկերացնել։

«Կցանկանայի անդրադառնալ տարվա գլխավոր իրադարձությանը, որը Եվրամիության որոշումն է՝ Վրաստանին տալով եվրոպական հեռանկար։ Այս պատերազմն արագացրեց գործընթացները, մենք դա լավ ենք հասկանում։ Մենք ակնկալում էինք ստանալ թեկնածուի կարգավիճակ, թեև շատ լավ հասկանում ենք, որ դա միայն քաղաքական որոշում էր, դա արժանիքների վրա հիմնված որոշում չէր, որ Վրաստանին այս փուլում կարգավիճակ չտրվեց։ Սակայն մենք հավատում ենք, որ մեր երկիրը շատ շուտով կստանա այս կարգավիճակը։ Սա ասելու պատճառը մեր իրականացրած հաջողված բարեփոխումներն են։ 12 հանձնարարականները, որոնք սահմանվել են մեր երկրի համար, հիմնովին իրականացվել են խորհրդարանի և մեր մասնակցությամբ։ Այժմ մենք սպասում ենք մեր եվրոպացի գործընկերների որոշմանը։

Ուզում եմ հանրությանը հիշեցնել, որ այն բոլոր լավ բաները, բոլոր այն առաջընթացները, որոնք ձեռք են բերվել վերջին տասը տարում մեր երկրի եվրաինտեգրման ճանապարհին, սա միայն մեր թիմի արժանիքն է, դեռ ասոցացման համաձայնագիրը, ապա՝ ազատ առևտուրը, առանց վիզայի ռեժիմը, այժմ պաշտոնական հայտը Եվրամիությանն անդամակցությանը և ստացած եվրոպական հեռանկարը։ Այս ամենը «Վրացական երազանքի» արժանիքն է»,- ասել է Ղարիբաշվիլին։