Մենք կհետևենք մեր ընտրած ճանապարհին՝ մեր տարածքների խաղաղ ապաօկուպացման և մեր երկրի միավորման համար, մեր երկրի միավորումը գլխավոր գերագույն գաղափարն ու նպատակն է, որի շուրջ պետք է համախմբվենք բոլորս,- այս մասին խորհրդարանում ելույթ ունենալիս հայտարարել է Վրաստանի վարչապետ Իրակլի Ղարիբաշվիլին։

Ինչպես նշել է վարչապետը, կառավարությունն օգնում է օկուպացված տարածքներում ապրող համաքաղաքացիներին, և չափազանց շատ ծրագրեր միտումնավոր չեն գովազդվում, որպեսզի նրանք տեղում խնդիրներ չունենան։

«Օկուպացված տարածքների հետ կապված հաշտեցման քաղաքականությունը ձեզ քաջ հայտնի է որպես մեր երկարամյա կայուն քաղաքականություն։ Մենք գնալու ենք մեր ընտրած ճանապարհով, որը մեր տարածքների խաղաղ ապաօկուպացումն է և մեր երկրի վերամիավորումը։ Մեր երկրի միավորումը գլխավոր գերագույն գաղափարն ու նպատակն է, որի շուրջ բոլորս պետք է համախմբվենք։ Այսօր երկրում ոչ մի ողջամիտ քաղաքացի մտածելու բան չունի, քան այս կործանարար, անպատասխանատու ընդդիմությունը։

Նաև շատ կարճ ասեմ, որ մենք շատ բան ենք անում այս ուղղությամբ։ Մենք օգնում ենք օկուպացված տարածքներում ապրող մեր համաքաղաքացիներին, թեև շատ ծրագրեր դիտմամբ չեն գովազդվում։ Մենք չենք ուզում, որ դա մի տեսակ խոչընդոտ ու պատնեշ լինի մեր քաղաքացիների համար, և նրանք տեղում խնդիրներ ունենան։ Մենք կշարունակենք այս քաղաքականությունը և ավելի կընդլայնենք այս մասշտաբը»,- ասել է Իրակլի Ղարիբաշվիլին։