Վրաստանը միջազգային հանրության պատասխանատու անդամ է, որն ակտիվորեն նպաստում է աշխարհում խաղաղության ապահովմանը,- ասել է Վրաստանի վարչապետ Իրակլի Ղարիբաշվիլին` ՄԱԿ-ի 78-րդ նստաշրջանի բանավեճի իր ելույթի ժամանակ։

Վարչապետի խոսքով՝ 32 խիզախ զինվորներ Աֆղանստանում կատարեցին գերագույն զոհողություն, հարյուրավոր մարդիկ վիրավորվեցին հանուն ազատության և խաղաղության։

«Ավելի քան երկու տասնամյակ մենք զգալի ներդրում ենք ունեցել ՆԱՏՕ-ի առաքելություններում ամբողջ աշխարհում, ինչը Վրաստանը դարձնում է Իրաքում և Աֆղանստանում ՆԱՏՕ-ի առաքելություններում մեկ շնչին բաժին ընկնող ամենամեծ ներդրողներից մեկը: Աֆղանստանում 32 խիզախ զինվորներ կատարեցին գերագույն զոհողություն, հարյուրավոր մարդիկ վիրավորվեցին հանուն ազատության և խաղաղության։ Վրաստանը մեծ զոհողություններ արեց մեր ընդհանուր արժեքներն ու շահերը պաշտպանելու համար: Մենք զգալի ներդրում ենք ունեցել Եվրամիության ղեկավարությամբ իրականացվող առաքելություններում և հստակ կատարում ենք այդ պարտավորությունը»,- ասել է վարչապետը։