1917 թվականի մարտի 25-ին, եկեղեցու ինքնակառավարման վերականգնմամբ, վրաց ժողովուրդը վերադարձավ ուղղափառության հնագույն ավանդույթներին, սկսվեց պատմական արդարության վերականգնման դժվարին ճանապարհը և միևնույն ժամանակ վճռական քայլ կատարվեց դեպի Վրաստանի անկախություն,- այս մասին ասում է Վրաստանի վարչապետ Իրակլի Ղարիբաշվիլին։

Ինչպես նշում է վարչապետը, այսօրվա օրը խորհրդանշական մեծ նշանակություն ունի, այն Եկեղեցու անկախության և հեղինակության ևս մեկ հաստատում է, միևնույն ժամանակ Եկեղեցու հասարակական կյանքում ունեցած կարևոր դերի ճանաչում։

«Սրտանց շնորհավորում եմ Վրաստանի Առաքելական ինքնավար ուղղափառ եկեղեցուն, ողջ վրաց հասարակությանը՝ ինքնավարության վերականգնման 106-րդ տարեդարձի կապակցությամբ։

1917 թվականի մարտի 25-ին, եկեղեցու ինքնակառավարման վերականգնմամբ, վրաց ժողովուրդը վերադարձավ ուղղափառության հնագույն ավանդույթներին, սկսվեց պատմական արդարության վերականգնման դժվարին ճանապարհը և միևնույն ժամանակ վճռական քայլ կատարվեց դեպի Վրաստանի անկախությունը:

Այսօր երախտագիտությամբ ենք հիշում մեր երկրի լավագույն զավակներին, ովքեր ջանք չեն խնայել վերականգնելու պատմական արդարությունը։ Այստեղ հարկ է նշել, որ ավտոկեֆալիայի վերականգնումն իր ամբողջական տեսքով՝ հնագույն ավտոկեֆալիայի պաշտոնական ճանաչումը, հնարավոր եղավ միայն վերջերս՝ 1990 թվականին Նորին Սրբություն Կաթողիկոս-Պատրիարք Իլիա Երկրորդի մեծ աշխատանքի և միջազգային հեղինակության շնորհիվ։

Քրիստոնեական արժեքները վրացիների ինքնագիտակցության հիմքն են և սահմանում են մեր դարերի պատմությունը, ավանդույթներն ու մշակույթը։ Նույնիսկ ժամանակակից դարաշրջանում՝ Եվրոպական Վրաստանի կառուցման ժամանակ, այդ ավանդական արժեքները, որոնք մարմնավորում է Մայր եկեղեցին, ամրացնում են մեր թիկունքը։

Մեր եկեղեցուն, Վրաստանին ու նրա ժողովրդին մաղթում եմ խաղաղություն, բարգավաճում և առաջընթաց։ Աստված օրհնի Վրաստանը»,- գրել է Ղարիբաշվիլին սոցցանցում։