«Ցանկանում եմ ևս մեկ անգամ նշել պարոն Իլհամ Ալիևի հոր՝ լեգենդար գործչի՝ Հեյդար Ալիևի արժանիքներն ընդհանրապես վրաց-ադրբեջանական հարաբերություններում»,- այս մասին հայտարարել է Վրաստանի վարչապետ Իրակլի Ղարիբաշվիլին Ադրբեջանի Հանրապետության նախագահ Իլհամ Ալիևի հանդիպման ավարտից հետո կայացած համատեղ ճեպազրույցում:

Կառավարության ղեկավարը շնորհավորել է Իլհամ Ալիևին և Ադրբեջանի ժողովրդին Հեյդար Ալիևի 100-ամյակի կապակցությամբ։

«Նաև մեկ անգամ ևս ուզում եմ նշել պարոն Իլհամ Ալիեւի հոր՝ լեգենդար գործիչ Հեյդար Ալիեւի արժանիքներն ընդհանրապես վրաց-ադրբեջանական հարաբերություններում։ Նրա դերը հսկայական է այդ հարաբերությունների ամրապնդման գործում, նա մեծ հիմքեր դրեց։ Վերջերս այցելեցինք Հեյդար Ալիևի 100-ամյակին նվիրված ցուցահանդես, ևս մեկ անգամ, օգտվելով առիթից, ցանկանում եմ շնորհավորել պարոն Իլհամ Ալիևին և ողջ Ադրբեջանին ձեր հոր 100-ամյակի կապակցությամբ։ Ուստի ևս մեկ անգամ ուզում եմ ողջունել քեզ, իմ սիրելի ընկեր, մաղթել խաղաղություն, հաջողություն և բարօրություն»,- ասել է վարչապետը։