Իրակլի Ղարիբաշվիլի. Կանգնենք բոլոր քաղաքապետարանների, տեղական իշխանության կողքին, ժամանակին լուծենք բոլոր խնդիրները, որոնք կպահանջեն կենտրոնական կառավարության ներգրավումը
Մենք պետք է յուրացնենք բնակչության յուրաքանչյուր դժվարություն, սա շատ կարևոր է, – ասել է Վրաստանի վարչապետ Իրակլի Ղարիբաշվիլին Բոլնիսիում՝ «Վրացական երազանք» Բոլնիսիի քաղաքապետի թեկնածուի առաջադրման ժամանակ:
Ինչպես նշել է կառավարության ղեկավարը, քաղաքապետերը պետք է կարողանան և պետք է մտնեն յուրաքանչյուր գյուղ, յուրաքանչյուր շրջան:
«Մենք դեռ նորաստեղծ ժողովրդավարություն ենք, երիտասարդ պետություն՝ մեր անկախությունը վերականգնելուց ի վեր: Մենք պետք է ընկալենք բնակչության յուրաքանչյուր դժվարություն, սա շատ կարևոր է: Քաղաքապետը, մեծամասնականները, բոլորը, քաղխորհրդի անդամները պետք է հոգ տանեն մեր բնակչության, յուրաքանչյուր թաղամասի, գյուղի վիճակի մասին, գան, խոսեն բնակչության հետ, խնդիրները լուծեն անհապաղ և ժամանակին: Ես՝ որպես վարչապետ, կառավարության ղեկավար, մենք՝ կենտրոնական կառավարությունը, հնարավորինս կկանգնենք բոլոր քաղաքապետարանների, տեղական իշխանությունների կողքին, ժամանակին կլուծենք բոլոր այն խնդիրները, որոնք պահանջում են կենտրոնական կառավարության ներգրավում: Դա պետք է լինի մեր հիմնական մտահոգությունը: Եթե մենք միասին լինենք և միասին հոգանք այս խնդիրների մասին, ամեն ինչ լավ կլինի, ընկերներ», – ասաց վարչապետը: