Ուղիղ 9 տարի առաջ Վրաստանը դարձավ Եվրամիության ասոցացված անդամ։ Այս պատմական իրադարձությունն ինքնին այլ ձեռքբերումների տեղիք տվեց՝ հետևողական քայլ դեպի Եվրամիությանը Վրաստանի վերջնական ինտեգրում,- այս մասին Facebook-ում գրում է Վրաստանի վարչապետ Իրակլի Ղարիբաշվիլին։

Ինչպես նշում է կառավարության ղեկավարը, ազատ առևտրի համաձայնագիրը վրացի ձեռներեցներին հնարավորություն է տվել իրենց արտադրանքն առանց խոչընդոտների արտահանել Եվրամիություն։

«Ուղիղ 9 տարի առաջ Վրաստանը դարձավ Եվրամիության ասոցացված անդամ։ Այս պատմական իրադարձությունն ինքնին նշանավորեց այլ ձեռքբերումների սկիզբ՝ հետևողական քայլ դեպի Եվրամիությանը Վրաստանի վերջնական ինտեգրում։ Ազատ առևտրի համաձայնագիրը մեր ձեռնարկատերերին հնարավորություն է տվել իրենց արտադրանքն առանց խոչընդոտների արտահանել Եվրամիություն։ Առևտրի անընդհատ աճող դինամիկան շոշափելի հետևանքներ ունի մեր ժողովրդի բարեկեցության վրա։ Վրացական անձնագրով Եվրամիությունում ազատ տեղաշարժվելու հնարավորությունը, որն առաջացել է առանց վիզայի ռեժիմի համաձայնագրով, հատկապես կարևոր է նաև մեր քաղաքացիների համար։ Անցյալ տարվա մարտի 3-ին ես ստորագրել էի ԵՄ-ին անդամակցելու Վրաստանի դիմումը։ Այս գործընթացի շարունակությունը Եվրամիության կողմից Վրաստանին եվրոպական հեռանկարի շնորհումն էր։ Մեր պատմության մեջ առաջին անգամ Եվրոպան հրապարակավ և միանշանակ հայտարարեց, որ Վրաստանը դառնալու է Եվրամիության անդամ։ Մինչ այս, երկար լճացումից հետո, 10 տարուց էլ քիչ ժամանակում ձեռք բերված այս ձեռքբերումը մեր կառավարության և հասարակության մի ստվար հատվածի համատեղ ջանքերի արդյունքն է։ Կարծում եմ, որ այս գործընթացը կշարունակվի տարեվերջին՝ այդ ջանքերի արժանի ճանաչմամբ և թեկնածուի կարգավիճակի շնորհմամբ, որը կդառնա Վրաստանի՝ Եվրամիությանն անդամակցության վճռական փուլի սկիզբը»,- ասել է վարչապետը։