Ինձ տեղեկացրին, որ մեր ընդդիմությունը փախել է խորհրդարանի դահլիճից, որպեսզի օգնի պարոն Քուրկումալ Ուայթին, ինչպես ինքն է իրեն անվանում,- ասել է Վրաստանի վարչապետ Իրակլի Ղարիբաշվիլին՝ խորհրդարանին տարեկան հաշվետվությունը ներկայացնելիս։

Ինչպես նշել է Իրակլի Ղարիբաշվիլին, այսօր ընդդիմությունը բազմաթիվ հարցեր է տվել, սակայն նրանք այլեւս դահլիճում չեն՝ պատասխանները լսելու։

«Ցավալի է, որ այսօր չունենք ընդդիմություն, որն ինձ շատ հարցեր տվեց, և արդեն դահլիճում չեն՝ լսելու հարցերի պատասխանները։ Ըստ այդմ՝ ես ինձ իրավունք եմ վերապահում չպատասխանել նրանց անհեթեթ հարցերին և առավել եւս վիրավորանքներին։ Ուզում եմ ձեզ ասել, որ հանուն հանրության ես կարող եմ արձագանքել նրանց որոշ հայտարարություններին, որպեսզի մարդիկ չմտածեն, որ մենք խուսափում ենք որևէ հարցից»,- ասել է Ղարիբաշվիլին։

«Ազգային շարժման» անդամ Թինա Բոկուչավան այսօր ասել է, որ չի մասնակցելու վարչապետի զեկույցի լսմանը։ «Մենք գնալու ենք Կասպի, քանի որ քաղաքական էպիկենտրոնը հենց այնտեղ է, և մենք չենք պատրաստվում լսել վարչապետին»,- ասել է Բոկուչավան։