Հունվար-հոկտեմբեր ամիսներին տնտեսական աճի տեմպերը որոշվել են 10%-ով, և ուզում եմ ասել նաև, որ երրորդ եռամսյակում բիզնես ոլորտի շրջանառությունն աճել է 17%-ով և կազմել 47 մլրդ լարի։ Սա մեր ճիշտ քաղաքականության արդյունքն է,- կառավարության նիստում ասել է Վրաստանի վարչապետ Իրակլի Ղարիբաշվիլին։

Վարչապետի խոսքով, բիզնես ոլորտում երրորդ եռամսյակում աշխատատեղերն ավելացել են 45 հազարով և կազմել 723 հազար, ինչը ռեկորդային թիվ է։

«Մի քանի օր առաջ հրապարակվեցին Վիճակագրական ծառայության վերջին տվյալները։ Հունվար-հոկտեմբեր ամիսներին տնտեսական աճի տեմպերը որոշվել են 10 տոկոսով։ Ուզում եմ ասել նաև, որ երրորդ եռամսյակում բիզնես ոլորտի շրջանառությունն աճել է 17%-ով և կազմել 47 մլրդ լարի։ Սա մեր ճիշտ քաղաքականության արդյունքն է։ Ես ուզում եմ ևս մեկ անգամ անդրադառնալ բիզնեսին: Բիզնեսն ամենից լավ գիտի՝ եթե երկրում չլինի կայունություն և խաղաղություն, չէր լինի բիզնեսի շրջանառության աճ, զբաղվածություն և նոր աշխատատեղերի ստեղծում։ Բացի այդ, դուք գիտեք, որ աշխատատեղերն ավելացել են, և աշխատատեղերի ռեկորդային աճ կա: Բիզնեսի ոլորտում երրորդ եռամսյակում աշխատատեղերն ավելացել են 45 հազարով և կազմել 723 հազար, ինչը ռեկորդային ցուցանիշ է և կարելի է ասել, որ այս ցուցանիշը զգալիորեն գերազանցել է նախահամավարակային ցուցանիշը»,- ասել է վարչապետը։