Ես շատ հետաքրքիր հանդիպումներ եմ ունեցել խոշոր ընկերությունների ներկայացուցիչների և ղեկավարների հետ, կարծում եմ՝ այս ամենը կշարունակվի,- Դավոսում վրացի լրագրողներին ասել է Վրաստանի վարչապետ Իրակլի Ղարիբաշվիլին։

Ինչպես նշել է Իրակլի Ղարիբաշվիլին, կարևոր էր մասնակցել այսօրվա պանելին, որտեղ շատ ժամանակ է հատկացվել Միջին միջանցքի զարգացմանը, և Վրաստանը մեծ նշանակություն ունի Միջին միջանցքի զարգացման գործում։

«Ես հանդիպում ունեցա Իսրայելի նախագահի հետ, ում հետ լայնորեն խոսեցի այս իրավիճակի մասին, նա նաև կիսվեց տարածաշրջանում տիրող իրավիճակի մասին վերջին տեղեկություններով։ Շատ հետաքրքիր հանդիպումներ եմ ունեցել շատ խոշոր ընկերությունների ներկայացուցիչների ու ղեկավարների հետ։ Կարծում եմ, որ այս ամենը կունենա շարունակություն։ Պետք է հետևել այս հարցերին: Մենք պայմանավորվել ենք կոնկրետ ժամկետների մասին, թե երբ են նրանք այցելելու Վրաստան՝ երկրում նոր ներդրումներ իրականացնելու համար։ Կարծում եմ, որ մեր երկրի համար կարևոր էր մասնակցել այսօրվա պանելին, որտեղ մենք շատ ժամանակ նվիրեցինք Միջին միջանցքի զարգացմանը, իսկ Վրաստանը շատ կարևոր է Միջին միջանցքի զարգացման գործում, քանի որ մենք դարպասն ենք Եվրոպայի և Ասիայի միջև, մենք ամենակարճ, կապող ճանապարհն ենք։ Ես նորից նշեցի այն մեծ նախագծերի մասին, որոնց վրա մենք աշխատում ենք՝ լինի դա Անակլիայի նավահանգստի նախագիծը, օդանավակայանի նախագիծը, թե ընթացող այլ խոշոր ծրագրեր, օրինակ՝ Սևծովյան էլեկտրահաղորդման մալուխը, որը նույնպես կարևոր է կապի առումով։ Այս հարցերն էին այս տարվա Դավոսի ֆորումի քննարկման հիմնական թեման»,- ասել է Իրակլի Ղարիբաշվիլին։