Եվս մեկ անգամ ցանկանում եմ շնորհավորել մեր երկրի յուրաքանչյուր քաղաքացու, մեր ժողովրդին, առաջին հերթին, որովհետև այս հաղթանակն ու ճանաչումը, այս արժանի որոշումը պատկանում է մեր ժողովրդին՝ ի դեմս մեր կառավարության,- այս մասին ասել է վարչապետ Իրակլի Ղարիբաշվիլին։

Ղարիբաշվիլիի խոսքով՝ հաղթեցին Վրաստանն ու վրաց ժողովուրդը։

«Եվս մեկ անգամ ուզում եմ շնորհակալություն հայտնել մեր թիմին, քաղծառայողներին, կառավարությանը, արտաքին գործերի նախարարությանը, մեր դիվանագետներին, մեր խորհրդարանին, քանի որ ընդունվել և ստեղծվել են 100-ից ավելի փաստաթղթեր, հսկայական աշխատանք, անկասկած, պետք է ասել որ ամբողջ թիմն արեց: Այժմ մենք շարունակելու ենք մշտական ​​երկխոսությունը, ինչպես նախկինում արել ենք մեր եվրոպացի գործընկերների հետ։ Մենք սերտ համակարգում ենք ունենալու մեր եվրոպացի ընկերների հետ և այստեղ ուզում եմ նշել, որ չնայած բազմաթիվ խոչընդոտներին, չնայած բազմաթիվ դիմադրություններին, դիվերսիաներին և սադրանքներին, բազմաթիվ կործանարար գործողություններին, ներքին և արտաքին թշնամիների համատեղ համակարգված գործողություններին, մենք հաղթելու ենք, մեր երկիրն այսօր հաղթեց, մեր ժողովուրդը հաղթեց, հաղթեց Մենք անկեղծորեն և ևս մեկ անգամ սրտանց շնորհավորում ենք բոլորին այսօրվա ճանաչման կապակցությամբ»,- ասել է Ղարիբաշվիլին։

Եվրահանձնաժողովը հանձնարարական է տվել Եվրոպական խորհրդին՝ Վրաստանին Եվրամիության անդամության թեկնածու երկրի կարգավիճակ տրամադրելու վերաբերյալ։